{"product_id":"markanan-desmaskara-papiamento-edition","title":"Markanan Desmaskara (Papiamento Edition)","description":"Tempu ku mi tabata mucha, mi mama i tata tabata tur kos pa mi. Nan tabata duna mi siguridat. Ora ku mi pensa riba mi mama i tata mi emoshon ta yena. Kasi mi por saka mi man mishi ku mi mama su kútis fini koló di mespel. Mi mama, haltu i elegante banda di mi tata kende tabatin bon tipo. Den bista di hopi un pareha prominente i ku klase. Mi mama tabata bula bai Miami por lo ménos kuater bia pa aña pa kumpra pañanan bunita, di kalidat i na moda pa 12 bende i naturalmente tambe pa nos mes bisti. Mi no por kòrda ni un momento ku mi mama no tabata asina! Mi mama tabata esun ku mi tabata bai tur kaminda kuné. Mi tabata un ekstenshon di mi mama. Kaminda mi mama ta, ami ta. Sea ta botika òf Mensing's Caminada, mi tabata serka dje. Maske nos bai pa kumpra un kos so, nos ta sali ku mas. Mi tabata bras'é, wak e ku wowo lif te ora e kai na mi pena. Di otro un banda mi mama tabata strèn i tabata suta nos ora tabatin mester. Mi tata nunka tabata rabia ku nos. Te kaminda mi ta kòrda, ta un bia so el a straf mi, pa despues e mes t'esun ku ta bin puntra si mi ta oké i ta trese kos dushi den kamber pa mi. E ta esun ku tabata hiba i trese nos den su outo nèchi, yen di\nstail. E tabata muskuloso, gusta bisti bon i yama atenshon. E tabata mi héroe i mi tabata gusta broma kuné! Tur dos mi mayornan tabatin bon smak pa tur loke ta bunita, ku klase.\nkolonianan europeo ku ta hole dushi,\n13\npues nan tabata biba bon.\nKiko ku mi tabatin mester di dje mi\ntabata haña; manera paña, kèts, sapatu,\nkos di hunga i mi kos preferí...Barbi.\nMi tabata gusta hunga ku pòpchi mashá.\nPa mi kumpleaño, pa Pasku òf pa kualke\notro okashon ku un hende puntrá mi\nkiko mi ke, mi kontesta standart tabata\nun Barbi òf algu pa mi por hunga ku e\nBarbi. Mi tabatin kushina, outo, kabai,\nKèn, kama...tur spesial di 'Mattel', ku ta\ne marka di Barbi. Mi a krea un mundu\ndi Barbi den mi kamber bou di mi büró,\neinan tur loke mi tabata mira den bida\nreal mi tabata usa mi imaginashon pa\nkrea esaki meskos pa mi Barbinan. Pues\nmi tabata krea un mundu ideal pa nan.\nE mundu di pafó mi ker a trese bèk\nden mi kamber i inkorporá tur esaki den\nmi mundu di fantasia. Un mundu ku no ta\neksistí. E mundu ku ami tin den mi kabes.\nKaminda tur kos ta perfekto! Ami ta krea\nmi mundu di fantasia, kaminda nada malu\nno ta pasa ku hende. Den mi mundu di\nfantasia semper tin un bon final. Einan\n14\nmalu no ta eksistí i mi tabata mira tur\nkos dor di un brel ros. Ros, pasobra mi\ntabata gusta koló ros i tur mi kosnan di\nBarbi tambe tabata ros. Tur mi kosnan\nmester tin ros den nan. Mi kamber tabata\nros i blanku. Pa mi e koló ros tabata\nrepresentá; mucha muhé lif.\nDen mi kamber kaminda ku mi tabata\npasa hopi tempu, mi por a keda oranan\nta biba den mi mes mundu di fantasia.\nMi mihó amigu, kende tabata mi bisiña,\ntabata bin hunga serka mi i e tabatin mag\ndi hunga ku Kèn; e kasá di Barbi. Nos no\ntabata kansa di hunga, nos tabata fasiná\nku tur e weganan, ma e ora si tabata pasa\nmuchu lihé. Pero asina ku e stèm fuerte\ndi mi yaya resoná den kas pa mi amigu\nbai su kas, wega a kaba mesora. Ora\nYaya papia tur hende ta tende! E tabatin\nun stèm manera e kampana ku nan ta\nbati ora ku tumba ta dal den e temporada\ndi karnaval. Mi yaya ta puntra mi amigu\nsemper si e no tin kas!\nDen nos kas nos tabatin un total\ndi kuater kamber, kada un ku su baño.\u003cbr\u003eASIN: 1737964732\u003cbr\u003eVSKU: BVV.1737964732.G\u003cbr\u003eCondition: Good\u003cbr\u003eAuthor\/Artist:Ricardo, Sydelle\u003cbr\u003eBinding: Paperback\u003cbr\u003e\u003cb\u003eNote:\u003c\/b\u003e Any images shown are stock photographs and product may differ from what is shown.  \u003cbr\u003e\u003cb\u003eCondition Notes\u003c\/b\u003e: The item shows wear from consistent use, but it remains in good condition and works perfectly. All pages and cover are intact  including the dust cover, if applicable . Spine may show signs of wear. Pages may include limited notes and highlighting. May NOT include discs, access code or other supplemental materials.  \u003cbr\u003e","brand":"Blue Vase Books","offers":[{"title":"Default Title","offer_id":43530080649277,"sku":"BVV.1737964732.G","price":74.4,"currency_code":"USD","in_stock":true}],"thumbnail_url":"\/\/cdn.shopify.com\/s\/files\/1\/0589\/4225\/9261\/files\/1737964732-0.jpg?v=1788125727","url":"https:\/\/www.bluevasebooks.com\/products\/markanan-desmaskara-papiamento-edition","provider":"Blue Vase Books","version":"1.0","type":"link"}